Skograekt.is / Um Skógræktina / Skógræktin / Myndasafn / Þjóðskógarnir / Aðgengi í þjóðskógunum

Aðgengi í þjóðskógunum

8 stk.
13.12.2021

Skóglendi á Íslandi hefur aukist jafnt og þétt síðan skógrækt hófst og möguleikum þar til útivistar, fræðslu og menningarstarfs fjölgað. Samhliða hefur þörfin fyrir stígagerð, grisjun og fleiri þætti sem bæta aðgengi vaxið. Þjóðskógar í umsjón Skógræktarinnar eru opnir almenningi og stefna Skógræktarinnar hefur verið að halda helstu þjóðskógunum eins aðgengilegum og hægt er. Tilteknum þjóðskógum eða hlutum þeirra er þó hlíft við raski vegna náttúruverndarsjónarmiða.

Nýr eldaskáli í Vaglaskógi bætir mjög aðgengi fyrir alla í skóginum. Bæði verður auðvelt að komast að honum frá bílastæði og snyrtingar verða samkvæmt reglum um aðgengismál. Ljósmynd: Pétur Halldórsson

Í Ásbyrgi eru sléttir og góðir stígar sem Vatnajökulsþjóðgarður heldur við og einnig gott aðgengi á tjaldsvæðum. Ljósmynd: Esther Ösp Gunnarsdóttir

Í nýjum eldaskála í Laugarvatnsskógi er sértakt aðstöðuhús með snyrtingum þar sem er gott aðgengi fyrir alla. Svipuð aðstaða verður í sambærilegum eldaskála sem er í smíðum í Vaglaskógi og framkvæmdir hefjast senn við þriðja skálann í Hallormsstaðaskógi. Ljósmynd: Hreinn Óskarsson

Stígurinn í Kristnesskógi sem gerður var í samstarfi við Sjálfsbjörg. Ljósmynd: Pétur Halldórsson

Í Haukadalsskógi eru sléttir og góðir stígar og aðgengi fyrir fatlaða á snyrtingum. Ljósmynd: Esther Ösp Gunnarsdóttir

Í Þjórsárdalsskógi eru sléttir og góðir stígar og aðgengi fyrir fatlaða á snyrtingum.

Í Arnaldsstaðaskógi í Suðurdal Fljótsdals er algerlega óhreyfður birkiskógur og engin önnur aðstaða í boði en sú sem náttúran sjálf býður. Ljósmynd: Pétur Halldórsson

Vissir þú að ...

tré sem ekki er gróðursett gefur engar afurðir? Ef við ræktum ekki nægan skóg eiga afkomendur okkar ekki nægan innlendan við til að nota í lífhagkerfi framtíðarinnar þar sem nýting endurnýjanlegra auðlinda verður í fyrirrúmi.

Venjulegt útlit Breyta stillingum